التوعية والارشادات

رسائل توعية:

التجربة والفضول بالرغم انه غريزة جوانا من واحنا أطفال الا انه فخ ممكن يوصلك للإدمان ازاي تستخدم الفضول بشكل إيجابي لو هتجرب ...إسأل الأول استخدم فضولك علشان تعرف اخرة الإدمان ايه وتحمي نفسك منه ازاي .

 ليه المراهقين هما اكتر فئة عرضة لخطورة التعاطي والإدمان

• لان طبيعة المرحلة العمرية دي ..ان المخ مبيكونش تطور وحصله نمو بشكل كامل، وللأسف مركز المتعة عند المراهق بيتطور لسرعة أكتر من مراكز التمييز والتحكم في الرغبات لدرجة انهم بيشبهوه بالعربية اللي ليها موتور قوي جدا بس ملهاش فرامل
• علشان كدة المرحلة دي بتتميز بحب المغامرة ده صفة موجودة عند كتير من المراهقين و ده من الاسباب اللي بتخليهم يجربوا اي حاجة جديدة عليهم..زي المخدرات .. وهما مقتنعين تماما انهم هيقدروا يتعاملو مع أي مشاكل تحصل منها

ازاي تتعامل مع ابنك او بنتك  لو اكتشفت ان حد منهم بيتعاطى مخدرات المفروض تصارحه ان عنده مشكلة .

• انت مش هتقبل وجودها بحزم مش بعنف ولا باهانه عرفه ان ده ده مرض زي اي مرض له اسباب وله علاج واقترح عليه انكم تروحوا لمتخصص علشان يساعده قبل ما المشكلة تزيد
• ابعد عن العنف، الاهانه، وكمان الاستهتار بالمشكلة والتعامل على انها طيش شباب..او فترة وهتعدي